ရှက်မိတယ်
=======
ကိုယ့်နာမည်ကိုယ်တောင်
လွတ်လပ်စွာ မှည့်နိုင်ခွင့်
ပိတ်ပင်ခံနေရတဲ့ ခေတ်မှာ
ငါ--
ကဗျာတွေလည်း မရေးချင်ဘူး။
ရေးမယ့်ကဗျာရဲ့ခေါင်းစဉ်ကို
လူတွေ ဆန္ဒပြ ကန့်ကွက်မှာ စိုးတယ်။
ပြီးတော့
ပဋိပက္ခ အသွင်ဆောင်တဲ့
ကဗျာခေါင်းစဉ်ဆိုပြီး
ဒီကဗျာခေါင်းစဉ်ကို မဖတ်ပါနဲ့လို့
တားဆီးခံရမှာလည်း စိုးတယ်။
နောက်ဆုံးတော့
ကဗျာကို ခေါင်းစဉ်ပေးခွင့်
ပိတ်ပင်ခံနေရမှာလည်း စိုးလွန်းပါရဲ့။
ဒီလိုနဲ့ -
ခေါင်းစဉ်မဲ့ ကဗျာတွေ
ရေးဖို့တွေးတောခဲ့ဖူးတယ်။
ဒါပေမယ့်
ငါ -- ကဗျာချစ်တဲ့ ငါ
ကဗျာကို သစ္စာဖောက်ရမှာ
သေလောက်အောင် ရှက်မိတယ်။
ယျာတင်(ရိုဟင်းသား)
၂၃-၅-၂၀၁၆
No comments:
Post a Comment