ညီလေးသို့ (၁)
==========
ညီလေး...
သူတစ်ပါးကို အထင်သေးတဲ့
မင်းမျက်လုံးတွေရဲ့ အကြည့်က
ကမ္ဘာကြီးကို ရုပ်ဆိုးစေလိမ့်မယ်။
ညီလေး...
သူတစ်ပါးကို အဆိုးမြင်တဲ့
မင်းမျက်လုံးတွေရဲ့ အကြည့်က
ကမ္ဘာကြီးကို ရုပ်ပျက်စေလိမ့်မယ်။
ညီလေး...
မင်းအပြုံးတွေထဲမှာ
သူတစ်ပါးကိုပျက်ရယ်ပြုတဲ့ ဓာတ်က
မင်းရဲ့အဆင့်အတန်းကို ပြသနေလိမ့်မယ်။
ညီလေး...
မင်းအပြုအမူ မင်းအပြောအဆို
မင်းလှုပ်ရှားဆောင်ရွက်မှုတွေက
မင်းရဲ့စိတ်ထားအမှန်ကို လှစ်ဟပြလိမ့်မယ်။
ညီလေး...
လူနေတဲ့အရပ်မှာ
လူကိုလူလို ဆက်ဆံပြီး
လူကိုလူလို ပြုကျင့်ပြီး
အသိတရားနဲ့ နေထိုင်သွားမှသာ
မင်းကို
လူတွေက လူလိုသတ်မှတ်မှာလေ။
ဒီလိုမှ မဟုတ်ရင်တော့
မင်းလည်း
လူ့ပေါက်ပန်း စာရင်းထဲ
တည့်တည့် ဝင်သွားရုံပဲ။
သတိထား ညီလေး။
ယျာတင်(ရိုဟင်းသား)
26.7.2015
No comments:
Post a Comment